Аппараттық интимді жасару

Әйелдің ағзасындағы жасқа байланысты өзгерістер, жүктілік пен босанудан кейінгі жай-күй, гормоналды бұзылулар - мұның бәрі уақыт өте келе әйелдің жыныс жүйесінің денсаулығы мен жай-күйіне байланысты проблемалардың туындайтындығына әкеледі, сыртқы түрі өзгереді, әйелдің жыныс мүшелерінің жұмысы бұзылады. Бұл, өз кезегінде, отбасындағы араздыққа, жеке интимдік өмірден ләззат ала алмауға, әйелдердің өзін кем сезінуіне және қанағаттанбаушылыққа әкеледі. Сондай-ақ, әдеттегі өмір салты бұзылады, мысалы, ыңғайсыздық пен ауырсыну сезімдері спортпен шұғылдануға немесе белсенді демалуға мүмкіндік бермейді. Егер мұндай проблемалар болса, дәрігер-гинекологқа, сондай-ақ косметологқа жүгіну керек. Маман лазерлік интимді жасару процедурасын ұсына алады.

Аппараттық интимді жасару процедурасы барлық қажетті рұқсаттары, жабдықтары және жоғары білікті қызметкерлері бар мамандандырылған емханада ғана жүзеге асырылады. Сенімді және тексерілген емханаға жүгіну емделушінің өте жақсы нәтижеге қол жеткізетіндігінің кепілі болады және процедурадан болатын асқынулар мен жағымсыз салдардың пайда болу қаупін барынша азайта алады.

Аппараттық интимді жасару қалай жүзеге асырылады?

Процедура тек 15-30 минутқа созылады, айтарлықтай ауырсыну сезімдері мен ыңғайсыздықты тудырмайды. Емделуші гинекологиялық орындықта орналасады. Дәрігер алдымен жыныс мүшелерін құрғақ тампонмен өңдейді, содан кейін лазерлі сезбекті қынапқа мұқият енгізеді. Лазерлік әсер ету параметрлерін әрбір емделуші үшін жеке таңдауға болады. Процедура барысында емделуші жылу әсерін және әлсіз дірілді сезеді. Лазерлік интимді жасарудың әсерін бірден сезінуге болады, бірақ соңғы нәтиже бір айдан кейін байқалады және бірнеше жылға созылады. Неғұрлым тиімді нәтиже алу үшін процедураны қайталауға болады.

Аппараттық интимді жасарудың мәні - лазерлі жабдық манипула арқылы өтетін және фракцияларға бөлінетін лазер сәулелерін шығарады. Бұл олардың қынап қабырғаларына біркелкі әсерін қамтамасыз етеді. Лазер сәулелері шырышты қабығының беткі қабатын бұзады, бұлшықет тініне жылу әсерін тигізеді, коллаген мен эластин өндірісін белсендіреді, соның арқасында қынап қабырғаларын қалпына келтіру және регенерация процесі басталады, олар өзінің тонусы мен икемділігін қайтарады.

Қалпына келтіру процесінде лазермен зақымдалған жасушалар қалпына келе бастайды, тіндердің сезімталдығы қайтарылады, қынап мөлшері кішірейеді, қынап қабырғалары серпімдірек бола бастайды.

Аппараттық интимді жасарудың көмегімен әйелдер өздерінің сенімділігі мен тартымдылығын қайтарады, жарқын интимдік өмірден ләззат алады, белсенді демалыс пен тұрақты спортпен шұғылдана алады. Процедура 30 жастан асқан әйелдерге гинеколог және косметологпен бетпе-бет кеңескеннен кейін ұсынылады.

Лазерлік интимді жасаруға арналған көрсетімдер:

• Босанғаннан кейін кемінде 3 айдан соң;
• Қынаптың пішіні мен мөлшерінің өзгеруі, ол сезімталдыққа және жыныстық қозуға әсер етеді, сонымен қатар ыңғайсыздық пен ауырсыну сезімдерін тудыруы мүмкін;
• Күйзелеп зәр шығаруды ұстамау;
• Қынаптың шырышты қабығын ылғалдандыру қажеттілігі;
• Крауроз – қынаптың шырышты қабығының жоғарғы қабатының атрофиясы;
• Диспареуния - жыныстық қатынас кезіндегі ауырсыну сезімдері;
• Тыртықтардың болуы;
• Теріні ағарту.

Аппараттық интимді жасаруға қарсы көрсетімдер:

Лазерлік интимді жасару процедурасы кейбір қарсы көрсетімдерге ие. Олар бар болса, процедураны кейінге қалдыру немесе одан мүлдем бас тарту керек. Бұл асқынулар мен жағымсыз салдарды алдын алуға мүмкіндік береді. Қарсы көрсетімдердің болуын маман ұсынған қосымша тексерулер мен талдаулар өткізгеннен кейін анықтауға болады. Келесі жағдайлар болған кезде процедураны кейінге қалдыру немесе болдырмау керек:

• Жүктілік және лактация кезеңі;
• Онкологиялық аурулардың болуы;
• Қант диабеті;
• Эндокриндік бұзылулар;
• Қанның ұю проблемалары;
• Жүрек-қан тамырларының аурулары.

Лазерлік интимді жасарудан кейінгі нәтижелер:

• Интимдік өмір сапасының жақсаруы;
• Күйзелеп зәр шығаруды ұстамау проблемасының жойылуы;
• Қынаптың шырышты қабығының ылғалдануы;
• Сезімталдықтың жақсаруы;
• Қынап мөлшерінің кішіреюі;
• Қынап қабырғаларының серпімділігінің жоғарылауы.

Аппараттық интимді жасару әйелге өзіне деген сенімділікті қайтаруға, тартымды және қалаулы сезінуге, сондай-ақ жарқын интимдік өмірден рахат пен ләззат алуға көмектеседі.